श्री गणेशदत्तगुरूभ्यो नम :
श्रीरामगुरू चरित्र
॥ अध्याय 5 वा ॥
॥ श्री गणेशाय नम :॥ श्रीसरस्वत्यैं नम :। श्रीगुरूभ्यो नम :। जय जय श्री गौरीतनया । शिवसुता मोरया । यशदाता सर्व कार्या । कार्यारंभी नमन तुझे ॥ 1 ॥ जगदंबे कुलस्वामिनी । रेणूकेमाते माहूरवासिनी । पदकमली शरण तुझ्या ॥ 2 ॥ प्रार्थिते तुम्हा कर जोडुनी । एकची आस आहे मनी । सुरईरा ॠषिमुनी । ग्रंथा सहाय्य करा हो ॥ 3 ॥ ऐका श्रोते सावचित्त । बाललिला सदनाप्रत । कैशा घडती सदोदीत । नवल वाटे आप्तजना ॥ 4 ॥ शुल पक्षाचे इंदुपरी । कलेकलेने बाळे घरी । स्वतेजे सुखवी पिता जननी । बंधू भगिनी संतोषी ॥ 5 ॥ कौतूक पित्यास रामाचे । हट्ट पुरविती क्षणोक्षणीचे । विटी-दांडु चक्री भोवरा । खेळ खेळण्या घननिळा ॥6 ॥ चित्तवृत्ती खेळण्यात । बाळवृत्ती चंचलीत । जननी रागे भरत असे । क्रोधे जाई मारण्यास ॥ 7 ॥ तो नसे गा मानवप्राणी । योगी बाळ अवतरला अवनी । जगदंबा कुलस्वामिनी । मारू न देई बाळास ॥ 8 ॥ राम बोले मधुरवचनी । न मारावे मजलागुनी । रेणूका माता जग,ाननी । रक्षण माझे करीतसे ॥ 9 ॥ आली हो भवानी । पितांबर पिवळा नेसोनी । सिंहावरी आरूढोनी । रक्षण आमचे करण्यास ॥10 ॥ परी भ्रांत पडे जननीस । असत्य म्हणे बाळ वचनास । कां न दिसे मम नयनास । कुलस्वामिनी अंबिका ॥ 11 ॥ भुक न धरवे बाळास । तुप पानगा न्याहारीस । माता देई बाळास । अतिप्रिय करोनी ॥12 ॥ कौतुक करिती बंधु भगिनी । बाळ धाकूटे म्हणोनी । राम आवडे माता पित्यासी । अती प्रिती सर्वांची ॥ 13 ॥ दूध लोणी दही शर्करा । नैवेद्य अर्पिता परमेरा । नैवेद्य खाया रामराया । धावत येई त्वरेने ॥ 14 ॥ थोर भाग्य कुळकर्णी यांचे । रामरूपे सद्गुरूंचे । साविीसध्य लाभले भाग्याने । पुण्य शतजन्मांचे ॥ 15 ॥ अगणित केल्या बाळलीला । भ्रांत पडे सर्वांना । गुप्तपणे कार्याला । योगी भूवरी अवतरला ॥ 16 ॥ संपता ते बाळपण । निघे पर्यटनारूप सगुण । विद्यार्जन निमित्त करून । योगी भ्रमती सर्वाठयी ॥ 17 ॥ ज्येष्= बंधु पित्यापरी । त्याची कांता माय खरी । ओळखे ना राम अंतरी । अगाध माया त्रयमूर्तीची ॥ 18 ॥ श्रीधर असती नोकरीत । महसूल खाते प्रख्यात । असती अधिकारी म्हणून । बदली होतसे गावोगावी ॥ 19 ॥ प्राथमिक चार इयत्ता । चार गावी संपविता । त्यांची नावे क्रमवार आता । ऐका श्रोते सावचित्त ॥ 20 ॥ पहिली दुसरी देऊळगांवी । तिसरी इयत्ता सिंधगांवी । चौथी संपविली खामगांवी । शिक्षण घेती रामगुरू ॥ 21 ॥ लक्ष्मी-व्यंकटेश जगत्माऊली । स्थित असे जी देऊळगावराजा ग्रामी । अशा परमपावन स्थळी । पाचवी इयत्ता पूर्ण होय ॥22 ॥ शेगांव नामे प्रख्यात । श्री क्षेत्र व र् हाडात । गजानन नामे थोर संत । जागृत तेथे नांदतो ॥ 23 ॥ अकोला निवासियांची पुण्याइ र् । साधु-संताची खाण बरवी । शिक्षणानिमित्त गुरूमाऊली । आ=वी इयत्ता पूर्ण करी ते ठयी ॥ 24 ॥ नववी दहावी खामगांवी । नागपूरात पूर्ण अकरावी । चित्रकलेची आवड बरवी । प्रभुत्व असे त्या विषयी ॥25 ॥ मध्य प्रांती त्यासमयी । प्रथम श्रेणीत अग्रगणी । गुप्त स्वरूप त्रयोदशगुणी । उत्तीर्ण होती रामराया ॥ 26 ॥ एकोणविसशे एक्कावन बाववीसांत । नागपूरी जामदार हायस्कुलात । आनंदी आनंद नगरात । अभिनंदन करिती गुरूजन ॥27 ॥ विद्यार्जन संपताची । अध्यापनात रूची साची । नियुक्ति जामदार हायस्कूली । शिक्षक पेशा स्विकारला ॥28 ॥ हे आहे गुप्तरूप । अवनीवरी साक्षात । मार्गदर्शना भक्तांस । अवधूत जागृत एकमुखी ॥ 29 ॥ प्रगट काल सद्गुरूंचा । जवळ आला क्षण हर्षाचा । भाग्योदय प्रिय भक्तांचा । कलियुगी मोक्षगती ॥ 30 ॥ पदार्पण सरकारी नोकरीत । होतसे एकोणवीसशे पंचाववीसात । बहूउद्देशीय शाळेत । बुलढाणा नामे नगरीत ॥ 31 ॥ परी उद्देश जीवनी थोर एक । करण्या जगदोध्दार । प्रपंची राहूनी स्थिर । परमार्थ जीवनी साधा हो ॥ 32 ॥ वाडी औदुंबर क्षेत्रास । गाणगाग्रामी जाण्यास । नको सायास भक्तांस । भक्तांसवे श्रीसद्गुरूनाथ ॥ 33 ॥ हे दत्त दिगंबर अवधूता । अगाध तुझी अवतार कथा । दंड कमंडलू नाही हाता । तीन मुखे ना दिसती ॥ 34 ॥ भाग्योदय अकोला नगरीचा । समीप आला कलियुगी साचा । योग आला गुरूसहवासाचा । पुण्यपर्वणी श्रोते हो ॥ 35 ॥ चातूर्मासाच्या प्रारंभात । बदली एकोणवीसशे छपवीसांत । श्रीरामचंद्र येती अकोल्यास । प्रारंभ होतसे जनकार्या ॥36 ॥ यापुढील कथा सुरस । परीसा श्रोते एकचित्त । कैसी जागृती कार्यास । स्वामी स्वयेचि उपदेशिती ॥37 ॥ इति श्रीरामगुरूचरित्र । परीसा रसाळ इक्षूदंड । विनवी दासी अखंड । पंचमोध्याय गोड हा ॥ 38 ॥
॥श्रीगुरूदत्तात्रेयार्पणमस्तु ॥
॥अ व धू त चिं त न श्री गु रू दे व द त्त ॥
मागील पान पुढील पान |